“Bütün sahibkarlara müraciət etmişik ki, ayın 18-ə hazır olsunlar. Necə işləmək haqqında təlimatlar hazırlamışıq. Amma kafe və restoranların açılması ilə bağlı qərarı Nazirlə Kabineti verir. Bu məsələ bizə aid deyil, hər ehtimala qarşı hazırlıq aparırıq”.
Bu sözləri Bizim.Media-ya Qida Təhlükəsizliyi Agentliyinin mətbuat xidmətinin rəhbəri Aysel Fərzəliyeva söyləyib.
O, əlavə edib ki, əgər yaxın günlərdə belə qərar verilərsə, bunun üçün sahibkarlara müraciət olunub.
Bildirilib ki, agentliyə məsul şəxslərin adların verilməlidir. Və bundan sonra onlar qaydalara uyğun olaraq öz fəaliyyətlərini davam edə bilərlər.
Qeyd edək ki, Nazirlər Kabinetinin qərarı ilə ölkədə 18 yanvar tarixinə kimi sərt karantin rejimidir.
Sərt karantin rejimi deyilən vaxtdan sonra uzadılmayacaq? sualına Nazirlər Kabinetinin Mətbuat Xidmətinin rəhbəri İbrahim Məmmədov cavab verdi ki, onlarda hələlik belə bir məlumat yoxdur.
Gülşanə Mustafayeva, Bizim.Media
