Azərbaycanlı müğənni itinə görə ölkədən gedir: “Alın mentalitetinizi başınıza çırpın” - FOTO

Sosial şəbəkələrdə “cover” ifaları ilə məşhurlaşan müğənni Nahidə Babaşlının iti avtomobil qəzasında ölüb. 

Bizim.Media xəbər verir ki, bu barədə ifaçı sosial media hesabında yazıb:

“Canımdan çox sevdiyim Köpüyümü avtomobil qəzasında itirdim. Nə yazsam, nə desəm kədərim azalmır. İlk dəfə gəzdirməsi üçün birinə verdim, onda da qucağımda can verdin. Köpük mənim hər şeyim idin”. 

Nahidə Babaşlı bu hadisədən sonra ölkədən gedəcəyini və bir də qayıtmayacağını deyib:

“Qəza Bakıda oldu, maşın vurdu və qaçdı. Hələ də hadisənin şokundayam. Bilet aldım, bir neçə saat sonra bu ölkədən gedirəm. Ümidim bir də qayıtmamaqdır. Alın mədəniyyətinizi də, mentalitetinizi də, sevginizi də, hörmətinizi də başınıza çırpın”. 

Bizim.Media