“Bu gün Ukraynanın Xarkov şəhərindən Polşaya 150-200-ə yaxın azərbaycanlının təxliyə edilməsi planlaşdırılır”.
Bizim.Media xəbər verir ki, bu barədə hazırda Polşada olan İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli açıqlama verib.
MÖVZU İLƏ BAĞLI:
Bu gün Xarkovdan 500 azərbaycanlı təxliyə edilib
Onun sözlərinə görə, dünən Ukrayna-Polşa sərhədini, təxminən, 100 nəfər keçib:
“Ümumilikdə, Polşaya təxliyə olunan azərbaycanlıların sayı 700-ə yaxınlaşıb. Hələ sərhəddə xeyli sayda vətəndaşlarımız var ki, onlar da Polşaya təxliyə olunmağı gözləyir. Dünən aldığım məlumata görə 200-ə yaxın azərbaycanlı Lvova tərəf gəlib.
Onların neçəsinin sərhəddi keçə biləcəyi barədə isə dəqiq məlumat yoxdur. Çünki sərhəddə insanların sayı kifayət qədər çoxdur”.
Xatırladaq ki, Ukraynada hərbi əməliyyatların başlanmasından martın 4-dək quru yolla Polşa Respublikasına 770 nəfər vətəndaşımız daxil olub.
Bizim.Media
