Dnepropetrovsk vilayətində fevralın 28-i səhər saatlarına olan məlumata görə, vəziyyət tam nəzarət altındadır və sakitdir.
Bizim.Media UNİAN-a istinadən xəbər verir ki, bu barədə Dnepropetrovsk Vilayət Dövlət Administrasiyasının sədri, Dnepropetrovsk vilayətinin Müdafiə Şurasının rəhbəri Valentin Rezniçenko brifinqdə danışıb.
MÖVZU İLƏ BAĞLI:
Mariupol Ukrayna Silahlı Qüvvələrinin nəzarəti altındadır - RƏSMİ
“Hüquq-mühafizə orqanlarının əməkdaşları yüksək hazırlıq vəziyyətindədirlər. Kritik infrastruktur obyektlərini qoruyurlar. Sakinlər birləşib. Könüllülər qərargahı yaradılıb. Ərazi Müdafiə Qoşunlarına ərizə verirlər. Küçələrdə patrul xidmətinə kömək edirlər. Biz yalnız birlikdə regionu və Ukraynanı qoruya bilərik”, - deyə vilayət administrasiyasının rəhbəri bildirib.
Qərargah gecə-gündüz açıqdır. Vilayətdə mağazalar, apteklər, xəstəxanalar fəaliyyət göstərir. Dərman, yemək və su var.
Rezniçenko onu da bildirib ki, bölgədə bir dəfə də olsun talan cəhdi qeydə alınmayıb. Amma komendant saatı hələ də aradan qaldırılmayıb. Vətəndaşlardan xüsusi vəsiqələr olmadığı halda axşam saat 20-dən səhər 6-ya kimi evlərini tərk etməmələri xahiş olunur.
“Hər kəsdən komendant saatına ciddi riayət etməyi xahiş edirəm. Evdə təhlükəsiz yerdə qalın. Bu, indi əsasdır. Bu yolla siz işğal cəhdlərinin qarşısını almağa kömək edəcəksiniz”, – Dnepropetrovsk Vilayət Dövlət Administrasiyasının sədri əlavə edib.
Bizim.Media
