Bakıda avtobusda qadının 2900 manatlıq telefonu belə oğurlandı – ANBAAN VİDEO

Hazırda oxunan: Bakıda avtobusda qadının 2900 manatlıq telefonu belə oğurlandı – ANBAAN VİDEO

60255

Bakıda avtobusda qadın sərnişinin 2900 manatlıq mobil telefonunu ələ keçirilib.

Bu barədə Bizim.Media Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, fevralın 4-də paytaxtın Yasamal rayonu ərazisində sərnişin avtobusunda vətəndaşa qarşı soyğunçuluq edilib.

Naməlum şəxslər avtobusda olan qadın sərnişinin əlindən dəyəri 2900 manat olan “İphone-12” markalı mobil telefonu soyğunçuluq yolu ilə alıb hadisə yerindən yayınıblar.

Zərərçəkənin şikayəti əsasında Yasamal Rayon Polis İdarəsinin 26-cı Polis Bölməsinin əməkdaşlarının həyata keçirdikləri əməliyyat-axtarış tədbiri nəticəsində həmin hadisəni törətməkdə şübhəli bilinən əvvəllər məhkum olunmuş Cəlil Hacağayev və Ələddin İsrafilov saxlanılaraq istintaqa təhvil veriliblər.

Faktla bağlı 26-cı Polis Bölməsində toplanan materiallar Yasamal Rayon Polis İdarəsinin İstintaq Şöbəsinə göndərilib.

Cəlil Hacağayev və Ələddin İsrafilov barəsində məhkəmənin qərarı ilə həbs qətimkan tədbiri seçilib.

Bizim.Media