Goranboyda yol-nəqliyyat qəzası piyadanın ölümü ilə nəticələnib.
Bizim.Media-nın yerli bürosunun məlumatına görə, hadisə Goranboy-Ağcakənd yolunda baş verib.
Kəlbəcər rayon sakini, 1970-ci il təvəllüdlü İ.Huseynov hərəkətdə olarkən idarə etdiyi “Mercedes” markalı minik avtomobili ilə yolu qarşı tərəfə keçmək istəyən Zeyvə kənd sakini 1990-cı il təvəllüdlü T.Quliyevi vurub.
Piyada hadisə yerində aldığı müxtəlif dərəcəli xəsarətlərdən dünyasını dəyişib.
Onun meyiti müayinə olunmaq üçün Məhkəmə Tibbi Ekspertizanın Patoloji Anatomiya Birliyi Publik Hüquqi Şəxsin rayon şöbəsinə təhvil verilib.
Hadisə yerinə polis əməkdaşları cəlb edilib. Faktla bağlı araşdırma aparılır.
Məqsəd Rəhimov, Bizim.Media, Qərb bürosu
