“Grammy” musiqi müsabiqəsi təxirə salındı – Yeni tarix isə...

“Grammy” musiqi müsabiqəsi qeyri-müəyyən müddətə təxirə salınıb.

Bizim.Media xəbər verir ki, bu barədə Milli Elmi Səsyazma və İncəsənət Aakademiyasının saytında məlumat yerləşdirilib.

Açıqlamada Akademiya və “CBS” telekanalının 64-cü “Grammy” musiqi müsabiqəsini “Omikron” ştamının yaratdığı epidemioloji vəziyyətlə əlaqədar təxirə saldığı diqqətə çatdırılıb.

Təşkilatçılar tədbirin yeni tarixinin daha sonra açıqlanacağını qeyd ediblər.

Qeyd edək ki, növbəti müsabiqədə musiqiçilər iki yeni nominasiya da daxil olmaqla 85 nominasiya uğrunda yarışacaqlar: Dünya musiqisi üzrə “Ən yaxşı dünya musiqi ifası” və Latın Amerikası ifaçıları üçün “Ən yaxşı şəhər albomu”.

Bizim.Media