Əməkdar artist Lalə Məmmədovanın “Brilliant Dadaşovanın qabağına qaçıb “salam” verirdim, salamımı almırdı” sözləri qalmaqal yaradıb.
Bizim.Media xəbər verir ki, Xalq artisti onun fikirlərinə cavab verib.
“Oxuyanlar var ki, mənə söz atırlar, bilirlər ki, cavab verməyəcəm. Haqqımda yalandan fikir formalaşdırırlar. Biri bu yaxınlarda yazıb ki, qaçırdım Brilliantın qabağına salam verirdim...
Belə şey heç vaxt olmayıb. Sadəcə o adam eşidib ki, mən həmişə demişəm ki, İlhamə Quliyevanı sevirdim, qabağına qaçırdım, o məni saymırdı. İndi bunu götürüb mənə edir. Amma mənim qabağıma heç tanımadığım bir adam qaçsa, salam Allahın adıdır, heç vaxt ola bilməz ki, salamı almayım. Elə adamlar var ki, onların mənə salam verməyindən qorxuram.
Mənim atmosferimdə olmasınlar, bilirəm ki, pislik edən adamlardır.
Kiməsə mənim kimi oxuyursa, deyirsə ki, mən Brillianta yox, Zeynəb Xanlarovaya qulaq asmışam, o zaman mən nə deməliyəm? Desəydi ki, Brillianta qulaq asmışam, ondan öyrənmişəm, deyərdim nolar ki? Yaxşı oxuyur”, deyə Brilliant Dadaşova qeyd edib.
Səmra Xəlilbəyli, Bizim.Media
