Ankarada 2015-ci il oktyabrın 10-da iki İŞİD terrorçusunun törətdiyi qanlı terror aktının təşkilatçısı olan Mustafa Dokumacının azərbaycanlı həyat yoldaşı Ülkər Məmmədova Türkiyə polisinə təslim olub.
Bizim.Media "CNN Türk"-ə istinadən xəbər verir ki, Azərbaycan vətəndaşı olan və uzun müddət İŞİD-in “canlı bombası” olaraq axtarılan Ülkər Məmmədova qardaş ölkədə peşimanlıq haqda qanunun müddəalarından yararlanaraq etirafçı olub və 60 nəfər İŞİD üzvü barəsində məlumatları polisə təqdim edib.
MÖVZU İLƏ BAĞLI:
Əfqanıstanda İŞİD-in 50 üzvü hakimiyyət orqanlarına təslim oldu
Oktyabrın 9-da ifadəsi alınan Ülkər Məmmədova Azərbaycandan Türkiyəyə necə getməsindən, Mustafa Dokumacı ilə necə tanış olub evlənməsindən, daha sonra onunla birlikdə Suriyaya gedib İŞİD-ə necə qoşulmasından danışıb.
Ankarada törədilən həmin dəhşətli terror aktı nəticəsində 103 nəfər həlak olub, yüzlərlə adam yaralanıb.
Türkiyənin xüsusi xidmət orqanları terror hücumunu İŞİD-in tərkibindəki “Adıyamanlı Dokumacılar” adlı qruplaşmanın və onun lideri Mustafa Dokumacının təşkil etdiyini müəyyənləşdiriblər.
Bizim.Media
