Bakıda qeydiyyatda olmayanların uşaqları hazırlığa götürüləcək? - RƏSMİ

Bakı şəhəri üzrə məktəbəhazırlıq qruplarına qəbul zamanı paytaxta daimi qeydiyyatı olmayan, kirayədə yaşayan vətəndaşların uşaqlarını elektron sistemdən qeydiyyatdan keçirmə qaydası açıqlanıb.

Bizim.Media-nın xəbərinə görə, Təhsil Nazirliyinin məlumatına görə, Bakıda ərazi prinsipi tətbiq olunan məktəblərdə, ilk növbədə, həmin təhsil müəssisələrinin mikroərazisində daimi qeydiyyatdan olan vətəndaşlar övladlarını elektron sistem vasitəsilə qeydiyyatdan keçirə bilərlər.

Həmin valideynlərə müvəqqəti və ya qeydiyyatsız yaşadıqları ərazidə yerləşən məktəbdə sıxlıq olduğu halda, digər məktəbləri seçmələri tövsiyə olunur.

Qeyd edək ki, kirayədə yaşayan valideynlər ərazi prinsipi tətbiq olunmayan bütün məktəblərdə övladlarını məktəbəhazırlığa elektron sistem vasitəsilə qeydiyyatdan keçirə bilərlər.

Bizim.Media