Ermənistanda müxalifətçi qadının ərinin avtomobili partladıldı - FOTO

Naməlum şəxslər müxalif siyasətçi Zaruhi Postancanyanın həyat yoldaşı Suren Drampyanın avtomobilini partladıb. 

Bizim.Media xəbər verir ki, bu barədə “Sputnik Ermənistan”a Postancanyanın özü məlumat verib.

Siyasətçi bildirib ki, avtomobil evlərinin həyətində partladılıb:

“Yaxınlıqda dayanmış bir qonşunun avtomobili də zədələnib. Hər iki maşın qaz kəmərinin altında dayanmışdı və əgər qonşular yanğınsöndürənləri tez çağırmasaydılar, nəticələr daha ciddi ola bilərdi. Xoşbəxtlikdən fəlakətin qarşısı alındı və insan tələfatı olmadı”.

"Ərimin düşməni yoxdur və bunun siyasi fəaliyyətimlə əlaqədar olduğuna inanırıq" deyə o, qeyd edib.

Postancanyanın sözlərinə görə, avtomobilin partladılması hazırkı hökumətin işidir. Eyni zamanda, hadisənin niyə indi - nisbi siyasi passivlik dövründə baş verdiyini söyləməkdə çətinlik çəkib.

O, artıq hüquq -mühafizə orqanlarına müraciət edib və hadisə ilə bağlı araşdırma aparacaq.

Bizim.Media