Koronavirusun “Super” ŞTAMMI: 3 nəfərdən biri öləcək! 

İngiltərəli alimlər koronavirusun yaxın gələcəkdə hansı variantlarının ortaya çıxa biləcəyi ilə bağlı araşdırmalar aparmağa davam edirlər.

Bizim.Media xəbər verir ki, İngiltərə Fövqəladə Vəziyyətlərdə Elmi Araşdırmalar Qrupunun alimləri “Covid-19”un daha hansı variantlarının ortaya çıxa biləcəyini müəyyən ediblər. 

Tədqiqatların nəticəsində koronavirusun yeni “Super” ştammının yarana biləcəyinin mümkünlüyü qənaətinə gəlinib.

Belə ki, sözügedən variant, bir neçə ştammın əlamətlərini özündə birləşdirəcək. Nəticədə virusun “Super” variantının “Donuz” qripi qədər ölümcül ola biləcəyi bildirilir.

Əgər sözügedən kabus ssenarisi baş verərsə, virusa yoluxan şəxslərin təqribən 35%-i həyatını itirəcək.

Araşdırmanın nəticələrinə görə, qeyd olunan varianta qarşı vaksinlərin heç bir müdafiə potensialı qalmayacaq.

Ən optimist ssenariyə görə isə, uzunmüddətli dövrdə koronavirusun təkamül nəticəsində  qrip, soyuqdəymə kimi xəstəliklərə bənzər formaya düşməsi mümkündür.

Murad Əhmədov, Bizim.Media