Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın tapşırığı ilə Qurban bayramı ərəfəsində Ombudsman Aparatının əməkdaşları Azərbaycan Uşaqları İctimai Birliyinin nəzdində fəaliyyət göstərən Uşaq Sığınacağı- Reinteqrasiya Mərkəzinə baş çəkiblər.
Ombudsman Aparatından Bizim.Media-ya verilən məlıumata görə, sığınacaqda yaşayan uşaqlarla görüş keçirilib, Qurban bayramı münasibətilə Ombudsmanın təbrikləri çatdırılıb, onlara sovqat təqdim edilib.
MÖVZU İLƏ BAĞLI:
Bakının 2 uşaq evində qəfil yoxlama - Müvafiq qurumlara müraciət ediləcək - FOTO
Uşaqlarla görüş zamanı onların ehtiyacları, müəssisədəki saxlanma şəraiti və rəftarlarla bağlı fikirləri öyrənilib, onlara hüquqları, Ombudsmanın səlahiyyətləri izah edilib.
Daha sonra müəssisənin obyektləri ilə tanış olaraq, mövcud ehtiyaclar öyrənilib, işin təkmilləşdirilməsi istiqamətində müəssisə rəhbəri və əməkdaşları ilə söhbət aparılıb.
Bizim.Media
