İyul ayı ərzində 20 nəfəri ilan sancıb.
Bu barədə Bizim.Media-nın sorğusuna cavab olaraq Kliniki Tibbi Mərkəzin Toksikologiya şöbəsindən məlumat verilib.
Bildirilib ki, ötən ay ümumilikdə şöbəyə zəhərlənmə səbəbi ilə 118 nəfər qəbul edilib.
Xəstələrdən 39 nəfər dərmandan, 47-si sirkə turşusundan, 4-ü həlledici məhluldan zəhərlənən şəxslərdir.
Həmçinin 20 nəfər ilan sancması, 3 nəfər allergik reaksiya, 3 nəfər botulizm, 2 nəfər göbələk zəhərlənməsi səbəbilə şöbəyə yerləşdirilib. Həkimlərin səylərinə baxmayaraq, zəhərlənən şəxslərdən 3-ü (1 nəfər qadın cinsli, 2 nəfər kişi cinsli) vəfat edib.
Ölüm halları sirkə turşusu və dərman zəhərlənmələrindən qeydə alınıb.
Günay Şahmar, Bizim.Media
