Rus bölməsində oxuyanların bu fənn üzrə imtahan nəticələri daha yüksəkdir – Məleykə Abbaszadə

Hazırda oxunan: Rus bölməsində oxuyanların bu fənn üzrə imtahan nəticələri daha yüksəkdir – Məleykə Abbaszadə

259812

"Rus bölməsi üzrə ingilis dili fənnindən imtahan nəticələri daha yüksəkdir".

Bu sözləri Dövlət İmtahan Mərkəzinin İdarə Heyətinin sədri Məleykə Abbaszadə bu gün keçirilən 2024/2025-ci tədris ili üçün tələbə qəbulu və ümumi təhsil müəssisələri üzrə buraxılış imtahanlarının nəticələrinin elmi-statistik təhlilinin ictimai müzakirələri ilə bağlı keçirilən tədbirdə qeyd edib.

O, bildirib ki, burada təkcə rus-Azərbaycan yox, şəhər-kənd məsələsi var:

“Rus bölməsi əsasən şəhərlərdədir. İngilis dili müəllimləri, dilin tətbiqi şəhərlərdə daha çoxdur. Dövlət sifarişli yerlərə rus-Azərbaycan bölməsinin abituriyentlərinin müsabiqəsi eynidir. Azərbaycan bölməsinin məzunlarının sayı çoxdur deyə rus bölməsinin müsabiqədə iştirakı aşağıdır. Dövlət sifarişli yerlərin 5-8%-nə rus bölməsi məzunları qəbul olub".

Nəzrin Mirzəyeva, Sadiq Məmmədov, Bizim.Media