Odessa sahilində istirahət edən sakinlərdən biri mobil telefonu ilə çəkdiyi görüntülərdə maraqlı, eyni zamanda dramatik mənzərəni əks etdirib.
Bizim.Media xəbər verir ki, videoda bir qadının Qara dəniz sahilində, plajda günəşləndiyi anlar görünür.
Elə həmin vaxt Ukraynanın hava hücumundan müdafiə sistemləri işə düşür və şəhərə hücum edən dronlara atəş açılır.
Bu kadrlar Ukraynada həyatın necə ziddiyyətli mənzərə yaratdığını açıq şəkildə göstərir: bir tərəfdə insanlar normal həyatlarını davam etdirməyə, istirahət etməyə çalışır, digər tərəfdə isə səmada dronlar dolaşır və raketlər atılır.
Rəsmi məlumata görə, gün ərzində Odessa şəhərinə edilən hücumlar nəticəsində ən azı 8 nəfər yaralanıb. Yaralılar xəstəxanalara yerləşdirilib və onlara tibbi yardım göstərilir. Hücumlar zamanı yaşayış və inzibati binalar, avtomobillər və hətta bir at tövləsi də zədələnib. (Musavat.com)
Bizim.Media
