Hindistanda 4 nəfər qurbanlıq mərasimindən qayıdarkən yol qəzasında ölüb. Qurbanlıq keçiyə isə heç bir zərər dəyməyib.
Bizim.Media “Bharat News”a istinadən xəbər verir ki, aprelin 10-da dörd nəfər Narsinghpur rayonundakı Dev Maharaj məbədində dini ritual keçirərək keçinin qulağını kəsiblər.
Qəza isə məbəddən qayıdarkən baş verib. Çarqavan yaxınlığında sürücü idarəetməni itirərək körpüdən Somvati çayına düşüb. Qəza nəticəsində iki nəfər yerindəcə, daha iki nəfər isə xəstəxanada dünyasını dəyişib. Lakin keçi möcüzə nəticəsində qəzadan heç bir xəsarət almadan qurtulub.
Yerli sakinlərin sözlərinə görə, qəzadan sonra avtomobildən bir şüşə spirtli içki tapılıb. Bu isə qəza zamanı sürücünün sərxoş olması ehtimalını gündəmə gətirib.
Məlumat üçün bildirək ki, Hindistanın bəzi bölgələrində qurban ritualı kimi heyvanların, o cümlədən keçilərin qulağı və ya digər bədən hissələri kəsilə bilər.
Bizim.Media
