“Əmanətlərini israrla kiçik regional banklara etibar etməyə davam edənlər əmanətlərini riskə ataraq ciddi səhv edirlər”.
Bizim.Media xəbər verir ki, bu barədə rusiyalı iqtisadçı Mixail Delyagin deyib.
“Əmanətlərin yüksək faiz dərəcəsinin orta səviyyəni aşması həmin bankda ciddi problemlərdən xəbər verir. Bu, likvidliyin çatışmazlığını və ya digər maliyyə çətinliklərini göstərə bilər. Belə banklarla işləmək tövsiyə edilmir.
Bu baxımdan, optimal həll yolu vəsaitlərinizi kiçik bankdan dərhal əmanət həcminə görə lider olan 20 bankdan birinə köçürmək olardı.
Ciddi böhran şəraitində dövlət ilk növbədə belə bankları dəstəkləyəcək, kiçik regional təşkilatlar isə lisenziyalarını itirə bilərlər”,- deyə iqtisadçı xəbərdarlıq edib.
Ayşən Rəhim, Bizim.Media
