"Şamaxı"nın qolkiperi Rikardo Fernandeş bu mövsüm performansı ilə təkcə Azərbaycan klublarının deyil, xarici komandaların da diqqətini çəkib.
Bizim.Media xəbər verir ki, portuqal qapıçı Kipr klublarının maraq dairəsindədir.
Yüksək liqada mübarizə aparan “Karmiotissa” Fernandeşi yayda heyətinə qatmağı planlaşdırır.
Bunun üçün isə kiprlilər mübarizədən qalib ayrılmalıdır. Çünki Fernandeş Azərbaycan klublarının da transfer siyahısında yer alır. Onun xidmətində "Sabah" və "Turan Tovuz"un maraqlı olduğu iddia edilir.
30 yaşlı futbolçunun “Şamaxı” ilə müqavilə müddəti 2025-ci il iyunun 30-na qədərdir.
Rəşad Rafiqoğlu, Bizim.Media
