Şamaxıda qatı duman səbəbindən yollarda görmə məsafəsi minimum həddə enib.
Bizim.Media-nın Aran bürosu xəbər verir ki, axşam saatlarından başlayaraq Şamaxı-Bakı, Şamaxı-İsmayıllı-Yevlax yolunda, eləcə də Ağsu dolaylarında vəziyyət daha da çətinləşib.
Hazırda yola nabələd sürücülər avtomobillərini yol kənarında saxlayaraq hərəkəti tamamilə məhdudlaşdırıblar. Mütəxəssislər sürücülərə müvəqqəti olaraq alternativ yollardan istifadə etmələrini tövsiyə edirlər. Yolun sürüşkən olması isə sürücülərə daha çox çətinlik yaradır.
Hazırda adıçəkilən ərazilərdə qatı duman hökm sürməkdə davam edir.
Bizim.Media, Aran bürosu
