Sosial şəbəkələrdə qadının fiziki təzyiqə məruz qalması ilə bağlı yayılan görüntülərdə əks olunan şəxslər məlumdur.
Bizim.Media DİN Mətbuat Xidmətinin şöbə rəisi, polis mayoru Elşad Hacıyevin yayılan görüntülərlə bağlı bildirdiyi məlumata istinadən xəbər verir ki, fakt mayın 16-da Nəsimi rayonu, Cavadxan küçəsində qeydə alınıb:
"Araşdırmalarla müəyyən olunub ki, “Volksvagen” markalı avtomobilin sürücüsü əvvəllər tanıdığı 32 yaşlı qadınla avtomobildə mübahisə edib.
Avtomobildən uzaqlaşmağa çalışan qadını sürücü yenidən avtomobilə qaytararaq, mübahisəni davam etdirib. Hər iki şəxs keçirilən müvafiq tədbirlərlə müəyyən olunaraq, Nəsimi RPİ 19-cu Polis Şöbəsinə dəvət ediliblər.
Hazırda Nəsimi Rayon Polis İdarəsinin Təhqiqat şöbəsində araşdırmalar davam etdirilir. Araşdırmanın nəticəsindən asılı olaraq, əmələ hüquqi qiymət veriləcək".
Sözügedən videonu sizə təqdim edirik:
Bizim.Media
