Xerson Vilayət Şurasının deputatları bir toplantıda Rusiya bayrağının yazıldığı afişaya görə dava salıblar.
Bizim.Media xəbər verir ki, bu haqda məlumatı “Kherson.net.ua” saytı yayıb.
Mənbə yazır ki, “Müxalifət Platforması - Həyat uğrunda” partiyasının deputatı Yeqor Ustinovun çıxışı zamanı “Avropa Həmrəyliyi” fraksiyasının nümayəndəsi Sergey Xlan yaxınlaşaraq Rusiya bayrağının fonunda "İşğalçının ortağı" yazısı olan afişanı onun boynundan asmağa çalışıb.
Ustinov rəqibini uzaqlaşdırıb, bundan sonra aralarında dava düşüb. Nəticədə, onun tərəfdaşlarından biri Xlanı kənara itələyərək yerində oturtdurub.
Ustinov çıxışının davamında vilayət şura deputatının bu cür davranışının qəbuledilməz olduğunu vurğulayıb.
Bizim.Media
