Arif Quliyevin oğlu: “Anam iflic olub, gəzə bilmir” - VİDEO

Əməkdar artist Kubra Əliyeva mərhum Xalq artisti Arif Quliyevin səhhəti pisləşən həyat yoldaşının evinə yollanıb.  

Bizim.Media xəbər verir ki, aktrisa “Elgizlə izlə” ictimai-sosial verilişinin canlı efirinə video zəng vasitəsi ilə qoşularaq Gülzar xanımın vəziyyətinin ağır olduğunu bildirib. 

Mərhum xalq artistinin oğlu Rövşən Quliyev isə bildirib ki, anası Gülzar xanım qara ciyər serrozundan əziyyət çəkir. Rövşən həmçinin valideyninin insult keçirdiyini və bu səbəbdən sol hissəsinin ifliç olduğunu və ayağının hərəkətinin itirdiyini bildirib. 
Qeyd edək ki, A.Quliyev 3 il əvvəl koronavirusa yoluxmuş, ağ ciyərinin 90 faizi zədələndiyindən “Yeni klinika”da süni tənəffüs aparatına qoşulmuşdu. Lakin həkimlərin bütün səylərinə baxmayaraq, Xalq artisti 2021-ci il mayın 7-də 71 yaşında dünyasını dəyişib.