Bundan sonra metroda "Bakıkart"la yanaşı, QR biletlərdən də istifadə etmək mümkün olacaq. Bakı metropoliteni QR ödəniş üsulunun tətbiqinə başlayıb.
Bizim.Media xəbər verir ki, mövzuya "Bakı Metropoliteni" QSC-nin mətbuat katibi Bəxtiyar Məmmədov münasibət bildirib.
Onun sözlərinə görə, ilin sonuna kimi tətbiq metronun 90% stansiyasında istifadədə olacaq. Sərnişin "Bakıkart" mobil tətbiqində QR bileti yaratmalı və turniketə yaxınlaşdırmalıdır. Bu üsulla da gedişhaqqı 40 qəpikdir.
Bəxtiyar Məmmədov qeyd edib ki, hazırda bu sistem 2 stansiyada fəaliyyət göstərir. Bunlar "Xocasən" və "8 Noyabr"dır. Digər stansiyalarda isə bəzi turniketlərdə lazımi avadanlıqlar quraşdırılıb və texniki məsələlər tamamlanmaq üzrədir.
QR bilet yalnız bir gediş üçün etibarlı olacaq. Sərnişinlər qarşılaşdıqları çətinliklərlə bağlı *4343 və ya 141 çağrı mərkəzlərinə müraciət edə bilərlər.
Mövzu ilə bağlı daha ətraflı videomaterialda:
Bizim.Media
