Azərbaycan və Türkmənistan arasında əməkdaşlığın genişləndirilməsi, potensial birgə layihələr, enerji tərəfdaşlığının gücləndirilməsi məsələlərini müzakirə olunub.
Bizim.Media xəbər verir ki, bu barədə İqtisadiyyat Nazirliyinin məlumatında qeyd edilib.
Türkmənistana işgüzar səfər çərçivəsində iqtisadiyyat naziri Mikayıl Cabbarov bu ölkənin Nazirlər Kabineti sədrinin müavini, xarici işlər naziri Rəşid Meredov ilə görüşdə ölkələrin ikitərəfli, regional və beynəlxalq müstəvidə əməkdaşlığının güclənməsi istiqamətində həyata keçirilən işlər və onların səmərəli nəticələri barədə müzakirə aparıb.
İki ölkənin malik olduğu zəngin potensial və resurslara uyğun olaraq, tərəfdaşlığın şaxələndirilməsi üçün əlverişli imkanlar qeyd edilib.
Mərkəzi Asiya ölkələri arasında ən çox Azərbaycanla Türkmənistan arasında ticarət dövriyyəsinin olması vurğulanıb, humanitar, nəqliyyat-tranzit, limanlararası əməkdaşlıq, həmçinin Türkmənistandan Azərbaycana elektrik enerjisinin ixracı imkanları müzakirə edilib.
Azərbaycan Dövlət Neft Şirkətinin (SOCAR) prezidenti Rövşən Nəcəflə birlikdə bu ölkənin Nazirlər Kabinetinin sədrinin müavini Batır Amanov və həmkarları ilə görüşdə qeyd edilib ki, ölkələr arasında enerji sahəsində əməkdaşlığın gələcək inkişafı üçün yaxşı perspektivlər var.
Azərbaycan-Türkmənistan əməkdaşlığının əsas istiqamətlərindən olan həmin sektorda artıq möhkəm əlaqələr qurulub.
Birgə görüşdə ölkələrin energetika sahəsində tərəfdaşlığının gündəliyində olan məsələlər müzakirə olunub. Tərəflər enerji mübadiləsi üzrə əməkdaşlığın mövcud vəziyyəti, “Dostluq” yatağının karbohidrogen resurslarının birgə kəşfiyyatı barədə fikir mübadiləsi aparıblar.
Bizim.Media
![Türkmənistandan Azərbaycana elektrik enerjisinin ixracı müzakirə olunub - FOTO Türkmənistandan Azərbaycana elektrik enerjisinin ixracı müzakirə olunub - FOTO](https://bizim.media/file/articles/2023/11/29/1701203131_1.jpg)
- A-
- A
- A+
İqtisadiyyat
04:50 / 29.11.2023
Türkmənistandan Azərbaycana elektrik enerjisinin ixracı müzakirə olunub - FOTO
Hazırda oxunan: Türkmənistandan Azərbaycana elektrik enerjisinin ixracı müzakirə olunub - FOTO
Hazırda oxunan: Türkmənistandan Azərbaycana elektrik enerjisinin ixracı müzakirə olunub - FOTO
166591
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.