Türkiyə milli komandasının hücumçusu Burak Yılmaz Portuqaliya yığmasının forvardı Kriştianu Ronaldunu geridə qoyub.
Bizim.Media "Voetbal International"a istinadən xəbər verir ki, "ay-ulduzlular"ın kapitanı XXI əsrdə "narıncılar"ı bir rəsmi matçda 3 dəfə məyus edən yeganə futbolçu ünvanına yiyələnib.
Burak Yılmaz martın 24-də 4:2 hesabı ilə qalib gəldikləri dünya çempionatının seçmə oyununun 15-ci, 34-cü (penalti ilə) və 81-ci dəqiqələrində qol vuraraq, het-trik edib.
Bundan başqa Yılmaz 2016-cı il Avropa çempionatının seçmə qrup mərhələsinin həm səfər (1:1), həm də ev oyununda (3:0) fərqlənib. Beləliklə, 36 yaşlı forvard Niderlandla qarşılaşmalarda ümumilikdə 5 qol müəllifi olub.
Ronaldu isə "narıncılar"ın qapısından AVRO-2004-də 1, AVRO-2012-də 2 top keçirib. Daha 1 qol isə 2013-cü ildə yoldaşlıq görüşünə təsadüf edib.
Qeyd edək ki, Portuqaliya yığması martın 24-də DÇ-2022-nin seçmə matçında Azərbaycan millisinə 1:0 hesabı ilə qalib gəlib. Kriştianu Ronaldu sonadək meydanda olsa da, fərqlənə bilməyib.
Bizim.Media
- A-
- A
- A+
Dünya
23:13 / 25.03.2021
Burak Yılmaz Ronaldonu geridə qoydu - RƏSMİ STATİSTİKA
Hazırda oxunan: Burak Yılmaz Ronaldonu geridə qoydu - RƏSMİ STATİSTİKA
Hazırda oxunan: Burak Yılmaz Ronaldonu geridə qoydu - RƏSMİ STATİSTİKA
15845
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
