"Neftçi"nin futbolçusu: "Beşiktaş"a qarşı oynamaq xoşdur"

Hazırda oxunan: "Neftçi"nin futbolçusu: "Beşiktaş"a qarşı oynamaq xoşdur"

151163

"Bizi çətin oyun gözləyir. Rəqibimiz çox güclü komandadır. Amma bu cür komandaya qarşı oynamaq xoşdur".

Bizim.Media Qol.az-a istinadən xəbər verir ki, bu sözləri "Neftçi"nin futbolçusu Yuri Matias Konfrans Liqasının 3-cü təsnifat mərhələsində "Beşiktaş"a qarşı keçirəcəkləri oyundan əvvəl təşkil olunan mətbuat konfransında deyib.

O, yaxşı nəticə qazanmaq üçün əllərindən gələni edəcəklərini deyib:

"Futbolda hər şey mümkündür. Əlimizdən gələni edəcəyik ki, qələbə qazanaq. İlk oyunda qolları qolları səhvlərdən buraxdıq. İkinci hissədə nə qədər qol imkanları yaratdıq ki, ən azından heç-heçə edək. Buraxdığımız qollar oyunun nəticəsini həll etdi. Bilirik, səhvlər etmişik. Amma çalışacağıq ki, sabah bunları təkrarlamayaq".
Qeyd edək ki, bu komandalar arasındakı ilk oyunda "Beşiktaş" 3:1 hesablı qələbə qazanıb. Sabah İstanbulda keçiriləcək cavab görüşü Bakı vaxtı ilə saat 21:00-da başlayacaq.

Bizim.Media