Rusiyanın Moskva vilayətinin Sergiyev Posad şəhərində baş verən partlayışa görə “PiroRos” şirkətinin rəhbəri Serqey Çankayev saxlanılıb.
Bizim.Media Rusiya mətbuatına istinadən xəbər verir ki, o, “Təhlükəli istehsalat obyektlərinin sənaye təhlükəsizliyi tələblərinin pozulması” maddəsi ilə şübhəli bilinir. Şirkətin ofisində axtarış aparılıb.
Qeyd edək ki, avqustun 9-da Sergiyev Posad şəhərində “PiroRoss” pirotexnika şirkətinin anbarında partlayış baş verib.
Zaqorsk Optik-Mexaniki Zavodunun ərazisində yerləşən, lakin zavoda aid olmayan şirkətin anbarında partlayış nəticəsində 71 nəfər yaralanıb, partlayışda yaralanmış qadın xəstəxanada ölüb, 9 nəfərin taleyi isə naməlumdur. Partlayışa texnoloji prosesin pozulmasının səbəb olduğu bildirilib.
Bizim.Media
