İyul ayının 13-də ölkəmizdə rəsmi səfərdə olan İsrail Dövlətinin müdafiə naziri Yoav Qallantın rəhbərlik etdiyi nümayəndə heyəti Dövlət Sərhəd Xidmətinin rəisi general-polkovnik Elçin Quliyev tərəfindən qəbul edilib.
Bu barədə Bizim.Media-ya Dövlət Sərhəd Xidmətinin Mətbuat Mərkəzindən məlumat verilib.
Dövlət Sərhəd Xidmətinin aparatında rəsmi qarşılanma mərasimi təşkil olunub, İsrailin müdafiə naziri Yoav Qallant fəxri qarovul dəstəsinin önündən keçib, “Fəxri qonaqlar kitabı”na ürək sözlərini yazıb.
Görüşdə Dövlət Sərhəd Xidmətinin rəisi general-polkovnik Elçin Quliyev Azərbaycan Respublikası və İsrail Dövləti arasında qarşılıqlı faydalı münasibətlərin bütün istiqamətlərdə, o cümlədən hərbi-texniki sahədə uğur¬la inkişaf etdiyini vurğulayıb.
Azərbaycan Respublikasının Prezidenti cənab İlham Əliyevin Ali Baş Komandanlığı altında Vətən müharibəsində qazanılmış tarixi Zəfər nəticəsində ölkəmizin ərazi bütövlüyünün bərpa olunması vurğulanıb, azad edilmiş ərazilərdə dövlət sərhədlərinin mühafizəsi və müdafiəsi üzrə fəaliyyətlərin təşkili, zəruri infrastrukturun yaradılması istiqamətində görülən işlər barədə ətraflı məlumat verilib.
Müzakirə zamanı qurumlar arasında birgə əməkdaşlıq fəaliyyətlərinə nəzər salınıb, bu kimi səfərlərin ikitərəfli əlaqələrin daha da inkişaf etdirilməsində əhəmiyyətli rolu vurğulanıb, qarşılıqlı maraq kəsb edən istiqamətlərdə əməkdaşlığın inkişaf etdirilməsinə dair fikir mübadiləsi aparılıb.
Bizim.Media
![Azərbaycan İsraillə sərhəd mühafizəsi sahəsində birgə fəaliyyəti müzakirə ETDİ – FOTO Azərbaycan İsraillə sərhəd mühafizəsi sahəsində birgə fəaliyyəti müzakirə ETDİ – FOTO](https://bizim.media/file/articles/2023/07/13/1689254135_6c0ed439-1445-3124-a43c-9b06a241a029_850.jpg)
- A-
- A
- A+
Siyasət
17:13 / 13.07.2023
Azərbaycan İsraillə sərhəd mühafizəsi sahəsində birgə fəaliyyəti müzakirə ETDİ – FOTO
Hazırda oxunan: Azərbaycan İsraillə sərhəd mühafizəsi sahəsində birgə fəaliyyəti müzakirə ETDİ – FOTO
Hazırda oxunan: Azərbaycan İsraillə sərhəd mühafizəsi sahəsində birgə fəaliyyəti müzakirə ETDİ – FOTO
146081
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.