Türkiyənin Dilucu gömrük məntəqəsində sıxlıq yaranıb. Buna səbəb Türkiyədə xaricdən alınan mobil telefonların İMEİ qeydiyyat qiymətinin bahalaşmasıdır. Belə ki, qərara əsasən, Türkiyədə bu rəqəm 6071 TL-dən 20 min TL-yə yüksəlib və qərar iyulun 10-dan qüvvəyə minəcək.
Bizim.Media Telegram kanallarına istinadən xəbər verir ki, məhz qiymət artımına görə insanlar Dilucu gömrük məntəqəsindən Sədərək Gömrük Postuna keçərək ölkəyə giriş-çıxış ediblər.
Onlar xaricdən aldıqları telefonları qeydiyyata salmaq üçün bu addımı atıblar və gömrükdə bəyan ediblər.
Əks təqdirdə, telefonların qeydiyyatı onlar üçün daha baha qiymətə olacaq.
Bizim.Media
