"Bənzər xoşagəlməz olay bir qədər əvvəl
Gürcüstanda baş vermişdi. İndi də Rusiyada soydaşımız güllələnib. Lazımi
addımlar atılmasa, sabah digər ölkələrdə də anoloji olaylar yaşanacaq”.
Bu sözləri Sfera.az-a açıqlamasında Rusiyanın
Novosibirski şəhərində milis əməkdaşının azərbaycanlı gənci güllələməsinə
münasibət bildirərkən politoloq Natiq Miri deyib:
"Rusiya həmişə ABŞ-ı irqçilikdə ittiham edir. Ancaq
Rusiyanın özündə hər zaman irqçilik meylləri sezilib. Bu ölkədə qafqazlılara alçaldıcı
şəkildə "qaralar” deyə müraciət olunur. Moskva bazarlarında xüsusi təyinatlı
qüvvələrin ticarətlə məşğul olan azərbaycanlılara hücumları da Rusiyadakı real
durumun acınacaqlı olmasından xəbər verir”.
N. Miri Azərbaycanın müvafiq rəsmi
qurumlarının baş verən olaya yanaşmasını yerətli saymır: "Bir dövlət o zaman
güclüdür ki, onun vətəndaşı digər ölkələrdə belə özünü dövlətinin çətiri
altında hiss edir. Artıq güclü dövlət olmağımızın zamanı gəlib. Diasporla İş üzrə Dövlət Komitəsi
ona görə yaradılmayıb ki, rəhbərləri turist kimi xarici ölkələri gəzsin. Komitə
xarici ölkələrdəki müəyyən dövlət strukturları ilə görüşməli və həmin ölkələrdə
yaşayan vətəndaşlarının hüququnun qorunması ilə məşğul olmalıdır”.
