“Qərb Ukraynadakı münaqişəni dondurmağa çalışır” - Sergey Lavrov

“Qərb Ukraynanı hərbi cəhətdən gücləndirmək və münaqişəni dondurmaq üçün vaxt udmağa çalışır”.

Bizim.Media Rusiya mətbuatına istinadən xəbər verir ki, bunu Rusiyanın xarici işlər naziri Sergey Lavrov bu gün keçirdiyi brifinqdə deyib.

Onun sözlərinə görə Qərbin planı gələcəkdə Rusiya ilə toqquşmaq üçün Ukraynanı yenidən silahlandırmaqdır:

“Qərb bu münaqişəni müvəqqəti olaraq dondurmağa, bir növ atəşkəsə nail olmağa və Ukraynanı hərbi yolla yenidən gücləndirmək üçün vaxt qazanmağa çalışır. Qərb ölkələri Ukraynada yeni hərbi infrastruktur yaratmaq və Kiyevə “yeni ölümcül uzaqmənzilli silahlar” ötürmək niyyətindədir. Qərblə münasibətlərin korlanmasının səbəbkarı rəsmi Moskva deyil. Biz yalnız sanksiyalara cavab veririk”.

Qeyd edək ki, Rusiya ilə Ukrayna arasındakı genişmiqyaslı müharibə ötən il fevralın 24-də başlayıb.

Bizim.Media