Türkiyənin müdafiə və aerokosmik sənayesinin dövriyyəsi 12 milyard dolları ötüb

Müdafiə və Aviasiya Sənayesi İstehsalçıları Dərnəyi (SASAD) tərəfindən hər il hazırlanan performans hesabatının 2022 məlumatlarına görə, Türkiyə müdafiə və aerokosmik sənaye sektoru qeyd edilən dövrdə 12,2 milyard dollar dövriyyəyə çatıb.

Bizim.Media TurkicWorld-a istinadən xəbər verir ki, bu dövrdə Tədqiqat - İnkişaf (Ar-Ge) investisiyaları 2,1 milyard dollar səviyyəsinə çatıb.

Hesabatda yer alan sektorun performans göstəricilərinə əsasən, son 5 ildə dövriyyə və məşğulluq göstəricilərində bütün sahələrdə müsbət irəliləyişlər qeydə alınıb.

Məlumatlara görə 2021-ci ildə 10,159 milyon dollar olan dövriyyə ixracı 20,05 faiz artaraq 12,196 milyon dollar olub:

"Alınan Sifarişlərin dəyəri, 2021-ci ildə 8,576 milyon dollar olmasına baxmayaraq 2022-ci ildə bu 2,58 faiz artaraq 8,797 milyon dollar olub.

Xaricdə satış gəlirləri 36,32 faiz artaraq 3,224 milyon dollardan 4,395 milyon dollara yüksəlib.

Ar-Ge Xərcləri 25,72 faiz artaraq 1,639 milyon dollardan 2,061 milyon dollara yüksəlib.

2021-ci ildə 2,062 milyon dollar olan idxal 2022-ci ildə 30,95 faiz artaraq 2,700 milyon dollara çatıb.

2021-ci ildə 7,23 faiz artan məşğulluq, 2022-ci ildə 75,660 nəfərdən 81,132 nəfərə yüksəlib".

2022-ci ildə ölkənin iri şirkətləri tərəfindən edilən ixrac rəqəmləri 3,402 milyon dollar təşkil edib.

Bu məlumatlara görə, quru ixracı 23,84 faizlə 811 milyon dollar, dəniz ixracı 12,31 faizlə 419 milyon dollar, hava (hərbi) ixracatı 11,86 faiz ilə 404 milyon dollar, mülki aviasiya ixracı 24,80 faiz ilə 843 milyon dollar, "silah, sursat və raketlər” ixracı 15,23 faizlə 518 milyon dollar, qiymətli kağızlar ixracı 1,71 faiz ilə 58 milyon dollar, MRO ixracı 1,58 faizlə 54 milyon dollar və digər ixracatlar isə 8,63 faiz ilə 295 milyon dollar təşkil edib.

Eyni dövrdə KOBİ ixracat rəqəmləri isə 994 milyon dollar təşkil edib.

Quru ixracı 2,45 faizlə 24 milyon dollar, dəniz ixracı 15,95 faizlə 159 milyon dollar, hava (hərbi) ixracı 14,29 faizlə 142 milyon dollar, mülki aviasiya ixracı 38,87 faizlə 386 milyon dollar, “Silah, sursat və raket” ixracı 16,86 faizlə 168 milyon dollar, təhlükəsizlik məhsulları ixracı 0,77 faizlə 7 milyon dollar, MRO ixracı 3,18 faizlə 32 milyon dollar və digər ixracatlar isə 8,03 faizlə 76 milyon dollar təşkil edib.

Bizim.Media