Türkiyənin məşhur pop ulduzu Sıla Gençoğlunun Bakıdakı konserti baş tutub.
Bizim.Media xəber verir ki, Bakı Konqres Mərkəzində canlı musiqi proqramı ilə tamaşaçıların qarşısına çıxan sənətçi repertuarında yer alan sevilən və hit ifalarını arda-arda düzüb.
Sıla peşəkar musiqiçi ansablının müşayiəti ilə "Velhasıl" adlı mahnısı ilə səhnəyə çıxaraq, konsertinə başlayıb.Daha sonra ulduz "Sevişmədən uyumayalım", "Arz", "Kafa", "Ya benimle" və digər nəğmələrini səsləndirib.
Sənətçinin hər çıxışı onu seyr etməyə gələn tamaşaçılar tərəfindən alqış və rəğbətlə qarşılanıb.
Qeyd edək ki, Sıla Gençoğlunun musiqi gecəsi "Anadolu events" tərəfindən təşkil olunub.
Anşlaqla keçən konsert zamanı lentə alınan görüntüləri təqdim edirik:
Rəşad Əliyev, Bizim.Media
