Rəqəmsal İnkişaf və Nəqliyyat Nazirliyinin tabeliyində fəaliyyət göstərən “AzInTelecom” MMC və kibertəhlükəsizlik sahəsində aparıcı şirkətlərdən biri olan “Cyberpoint” MMC arasında əməkdaşlıq memorandumu imzalanıb.
Memorandumu “AzInTelecom” MMC-nin İdarə Heyətinin sədri Elxan Əzizov və “Cyberpoint” MMC-nin direktoru Fuad Niftəliyev imzalayıb.
Şirkət rəhbərləri memorandum əsasında kibertəhlükəsizlik sahəsində işgüzar münasibətlərin qurulmasını, birgə layihələrin həyata keçirilməsini, səmərəli məlumat mübadiləsinin təşkil olunmasını razılaşdırıblar.
Tərəflər elmi-texniki biliklərin və kibertəhlükəsizlik üzrə mütəxəssislərin hazırlanması məqsədilə birgə fəaliyyət göstərməyi planlaşdırır.
“AzInTelecom” MMC və “Cyberpoint” MMC Azərbaycanda kibertəhlükəsizlik ekosisteminin gücləndirilməsi üçün müştərilərə birgə xidmət göstərərək fəaliyyət göstərməyi hədəfləyir.
Qeyd edək ki, ölkənin aparıcı kibertəhlükəsizlik şirkəti olan “Cyberpoint” MMC müxtəlif dövlət qurumlarına və eləcə də özəl şirkətlərə xidmət göstərir. Kibertəhlükəsizlik üzrə ən böyük əməliyyat mərkəzinə malik olan Cyberpoint şirkəti Təhlükəsizlik Əməliyyat Mərkəzi xidməti, Nüfuzetmə Sınaqları xidməti, Rəqəmsal Audit və İstintaq xidməti, Kibertəhlükəsizlik Həllərinin Tətbiqi və Dizaynı xidməti, Kiber Konsalting və Kiber Maarifləndirmə xidmətlərini təqdim edir.
Bizim.Media
![AzInTelecom və Cyberpoint kibertəhlükəsizlik sahəsində birgə fəaliyyət göstərəcək - FOTO AzInTelecom və Cyberpoint kibertəhlükəsizlik sahəsində birgə fəaliyyət göstərəcək - FOTO](https://bizim.media/file/articles/2023/05/01/1682929141_2.jpg)
- A-
- A
- A+
Cəmiyyət
12:19 / 01.05.2023
AzInTelecom və Cyberpoint kibertəhlükəsizlik sahəsində birgə fəaliyyət göstərəcək - FOTO
Hazırda oxunan: AzInTelecom və Cyberpoint kibertəhlükəsizlik sahəsində birgə fəaliyyət göstərəcək - FOTO
Hazırda oxunan: AzInTelecom və Cyberpoint kibertəhlükəsizlik sahəsində birgə fəaliyyət göstərəcək - FOTO
133698
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.