Ağrılı ümidlər: Bir gecədə məhv olan şəhərin hekayəsi - VİDEO

Hazırda oxunan: Ağrılı ümidlər: Bir gecədə məhv olan şəhərin hekayəsi - VİDEO

122444

Azərbaycan Televiziyası ilk dəfə işğaldan azad olunduqdan sonra Xocalının ən yaxın görüntülərini lentə alıb.

Bizim.Media “Azərbaycan Televiziya və Radio Verilişləri” QSC-nin Sosial media və ictimaiyyətlə əlaqələr şöbəsinin məlumatına görə, kadrlar “Ağrılı ümidlər: Xocalı hekayəsi” adlı filmdə nümayiş olunacaq.

Çəkiliş qrupu Xocalı faciəsi zamanı lentə alınmış real kadrların izi ilə araşdırma aparıb, indiyədək gedilməyən nöqtələrdən çəkilişlər edib.

Filmin baş qəhrəmanı o günlərdə Ağdam məscidinin qarşısında belə bir fikir səsləndirib:

“Ulu öndər Heydər Əliyev hakimiyyətdə olsaydı, Xocalı faciəsi baş verməyəcəkdi”.
Adi bir gəncin o vaxt cəsarətlə səsləndirdiyi bu fikir filmin leytmotivini təşkil edir.

Filmin ssenaristi Afaq Vasifqızı, rejissoru Rəna Yunisli, operatoru isə Elşad Bədəlovdur. Layihənin rəhbəri Elnur Məmmədovdur.

“Ağrılı ümidlər: Xocalı hekayəsi” filmi 26 fevral saat 22:00-da AzTV-də yayımlanacaq.

Filmin anonsunu təqdim edirik:

Bizim.Media