“Əfv Məsələləri Komissiyasının iclasları davam edir, biz bütün müraciətləri nəzərdən keçirib, onlara xüsusi diqqətlə yanaşırıq. Müraciətlər həddən artıq çoxdur. Fevralın 16-da birinci iclasımız keçirildi".
"İclasda müraciətlərin müəyyən hissəsinə baxıldı. Digər müraciətlərə isə önümüzdəki həftələrdə növbəti iclasda müzakirə ediləcək”.
MÖVZU İLƏ BAĞLI:
Novruz bayramında böyük amnistiya olacaq? – Komissiya üzvü açıqladı
Bu sözləri Bizim.Media-ya açıqlamasında millət vəkili, Azərbaycan Respublikasının Prezidenti yanında Əfv Məsələləri Komissiyasının üzvü Fazil Mustafa deyib. O, bildirib ki, müraciətlərə tam baxıldıqdan sonra yekun qərar Prezident İlham Əliyevə təqdim olunacaq.
“Prezident bu təqdimatı əsas götürərək, əfv sərəncamı imzalaya bilər, bu, onun səlahiyyətlərinə aid məsələdir”.
Qeyd edək ki, demək olar ki, hər il ənənəvi olaraq Prezident İlham Əliyev Novruz bayramı ərəfəsində əfv fərmanı imzalayır.
Vüsalə Balayeva, Bizim Media
