Xəbər verdiyimiz kimi, Türkiyədə baş verən zəlzələnin fəsadlarını aradan qaldırmaq üçün Azərbaycan da daxil olmaqla, dünyanın bir çox ölkələrindən xilasedicilər gəlib. Onların arasında Macarıstan xilasediciləri də olub.
Bizim.Media xəbər verir ki, bu barədə informasiyanı Macarıstanın dövlət naziri Zoltan Kovaç da təsdiq edib.
Alınan son məlumata görə, nazirin qızı Türkiyədə xilasetmə qrupunda iştirak edir.
Zoltan Kovaç Tvitter hesabında etdiyi paylaşımında qızı ilə qürur duyduğunu bildirib:
“Mən cəsur qəhrəmanlarımızla çox qürur duyuram və xüsusilə xilasetmə işlərində iştirak edən qızım İlkanı və ona yardımçı olan iti Nilanı qeyd etmək istəyirəm. Macarıstan bir daha göstərir ki, çətin anlarda bizə arxalana bilərsiniz”.
Xatırladaq ki, Macarıstan xilasediciləri artıq öz ölkələrinə geri qayıdıb.
Bizim.Media
