Bu gün spiker Sahibə Qafarovanın əmri ilə Milli Məclis sədrinin köməkçisi Fərid Hacıyev vəzifəsindən azad edilərək Milli Məclis Aparatının Dövlət qulluğu və kadr məsələləri şöbəsinin müdiri, Mehdi Qurbanov isə Milli Məclis Aparatında yeni yaradılan Sosial qanunvericilik şöbəsinə müdir müavini təyin edilib.
MÖVZU İLƏ BAĞLI:
Milli Məclisdə Ceyhun Əli işdən çıxarıldı - Yeni mətbuat katibi təyin olundu
Bizim.Media xəbər verir ki, bu faktı Milli Məclisin Mətbuat və ictimaiyyətlə əlaqələr şöbəsinin yeni müdiri Mehman Qayıbov təsdiq edərək onların aparatda uzun müddətdir çalışdıqlarını və təcrübəli kadrlar olduğunu deyib.
Qeyd edək ki, bir neçə gün əvvəl Milli Məclisin mətbuat xidmətinin rəhbəri Ceyhun Əli işdən çıxarılıb.
Onun yerinə bu qurumda çalışan Mehman Qayıbov gətirilib.
Bizim.Media
