Aksiyanın 30-cu günündə Rusiya sülhməramlılarına məxsus avtomobillər hər zaman olduğu kimi Laçın-Xankəndi yolunda dinc məqsədlə təşkil olunan aksiya ərazisindən sərbəst keçirlər.
Bizim.Media xəbər verir ki, bu dəqiqələrdə sülhməramlılara aid səkkiz təminat avtomobilinin Xankəndidən Laçın istiqamətinə doğru hərəkətinə şərait yaradılıb.
Bu bir daha onu göstərir ki, ərazidə hərəkətin sərbəstliyi mütəmadi olaraq təmin olunur. Heç də siyasi xarakter daşımayan aksiya humanitar məqsədlərə xidmət edir.
Qeyd edək ki, Ermənistan mətbuatında yayılan və etirazçıların guya Laçın-Xankəndi yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.
***09:04
Səhər saatlarında aksiya ərazisindən sərbəst keçməklə Xankəndidən Laçın istiqamətində hərəkət edən Beynəlxalq Qırmızı Xaç Komitəsinə (BQXK) məxsus iki avtomobil geri qayıdıb.
Bizim.Media xəbər verir ki, bu dəqiqələrdə onların əks tərəfə keçidi üçün növbəti dəfə şərait yaradılıb.
Bu, bir daha onu göstərir ki, aksiyanın təşkil olunduğu ərazidə humanitar məqsədli maşınların hərəkəti sərbəstdir və buna heç bir maneə yoxdur.
Qeyd edək ki, Qarabağda “Qızılbulaq” və “Dəmirli” faydalı qazıntı yataqlarının qanunsuz istismarı nəticəsində ətraf mühitə vurulmuş ziyanın monitorinqinin aparılmasına icazə verilməsini tələb edən azərbaycanlı ekoloqların, qeyri-hökumət təşkilatlarının nümayəndələrinin və fəallarının ötən il dekabr ayının 12-dən Şuşa ərazisindən keçən Laçın-Xankəndi yolunda təşkil etdikləri etiraz aksiyası 30 gündür davam edir.
Bizim.Media
![Laçın-Xankəndi yolundan sülhməramlıların daha 8 avtomobili keçdi – YENİLƏNİB – FOTO Laçın-Xankəndi yolundan sülhməramlıların daha 8 avtomobili keçdi – YENİLƏNİB – FOTO](https://bizim.media/file/articles/2023/01/10/1673338014_96a.jpg)
- A-
- A
- A+
Siyasət
12:09 / 10.01.2023
Laçın-Xankəndi yolundan sülhməramlıların daha 8 avtomobili keçdi – YENİLƏNİB – FOTO
Hazırda oxunan: Laçın-Xankəndi yolundan sülhməramlıların daha 8 avtomobili keçdi – YENİLƏNİB – FOTO
Hazırda oxunan: Laçın-Xankəndi yolundan sülhməramlıların daha 8 avtomobili keçdi – YENİLƏNİB – FOTO
113921
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.