"Alim" elmi assosiasiyasının II qurultayı keçirilib.
Fransada fəaliyyət göstərən "Alim" elmi assosiasiyasının II qurultayı keçirilib.
Bizim.Media-ya Diasporla İş üzrə Dövlət Komitəsindən verilən məlumata görə, onlayn keçirilən tədbirdə assosiasiyanın Fransa və Azərbaycandan olan üzvləri, eləcə də yeni üzvlüyə namizədlər iştirak ediblər.
MÖVZU İLƏ BAĞLI:
Dilqəm və Şahbazın əsirlikdən necə azad olunmasının detalları açıqlandı
Qurultayı açıq elan edən assosiasiyanın prezidenti Günel Səfərova ötən il həyata keçirilən layihələr barədə hesabatla çıxış edib.
Assosiasiyanın koronaviris pandemiyası və 44 günlük Vətən müharibəsi ərzində soydaşlarımızı və tarixi vətənimizi dəstəkləməyə çalışdığı vurğulanıb.
Belə ki, Fransada təqaüdsüz təhsil alan azərbaycanlı tələbələrə yardım kampaniyası təşkil edilib, digər assosiasiyalarla birlikdə Fransa Prezidentinə, XİN başçısına, fransız deputat və senatorlara, dini qurumlara, UNESKO-nın direktoruna bu ölkənin Azərbaycana olan qərəzli münasibətinə etiraz edən və Qarabağ həqiqətlərini çatdıran məktublar Ünvanlanıb.
Həmçinin assosiasiya erməni əsirliyində olan azərbaycanlı əsirlərin geri qaytarılması ilə bağlı "Qırmızı Xaç" komitəsinə müraciət edib.
Qurultayın gedişində 2021-ci il üçün nəzərdə tutulan layihələr ətrafında fikir mübadiləsi aparılıb, səsvermə yolu ilə assosiasiyaya yeni üzvlər seçilib.
Bizim.Media
