Gəncədə yolu keçmək istəyən piyadanı avtomobil vurub. Piyada qəza nəticəsində dünyasını dəyişib.
Bizim.Media-nın yerli bürosunun məlumatına görə, hadisə şəhərin Nizami Gəncəvi prospektində qeydə alınıb.
Əli Muxtar oğlu Abdullayevin idarə etdiyi “Toyota Prado” markalı minik avtomobili hərəkətdə olarkən yolu qarşı tərəfə keçmək istəyən 1971-ci il təvəllüdlü kişini vurub.
Zərərçəkən xəstəxanaya çatdırılsa da, onun həyatını xilas etmək mümkün olmayıb.
Faktla bağlı araşdırma aparılır.
Məqsəd Rəhimov, Bizim.Media, Qərb bürosu
