Almaniyada tibb bacısı 10 nəfəri öldürməkdə, 27 nəfəri isə öldürməyə cəhddə ittiham edilir.
Bizim.Media xəbər verir ki, bu barədə Almaniya Prokurorluğu məlumat yayıb.
Belə ki, tibb bacısı Axen yaxınlığındakı Vürselen şəhərindəki klinikada gecə növbəsində işləyib.
O, öz iş yükünü azaltmaq üçün əsasən yaşlı xəstələrə ağır dozda ağrıkəsici və sakitləşdirici iynələr vurub. Nəticədə, ilkin araşdırmalara görə 10 nəfər dünyasını dəyişib.
Hazırda tibb bacısının digər qurbanlarının olub-olmaması ilə bağlı araşdırma aparılır.
Bizim.Media
