Daxili İşlər Nazirliyi (DİN) sosial şəbəkələrdə və “Whatsapp” qruplarında məktəblərdən uşaqların oğurlanması ilə bağlı yayılan məlumatlara münasibət bildirib.
Bizim.Media xəbər verir ki, DİN-in Mətbuat Xidmətinin şöbə rəisi, polis mayoru Elşad Hacıyev “Report”a bildirib ki, hazırda “Whatsapp” qruplarında yayılan səs yazıları ilə bağlı araşdırma aparılır:
MÖVZU İLƏ BAĞLI:
Bir gündə 60 cinayətin üstü “isti izlər”lə açıldı
“Bu, tamamilə yalan və cəfəngiyyatdır, təxribat məqsədi daşıyır. DİN-ə səs yazısında iddia olunan hallarla bağlı hər hansı şikayət, yaxud müraciət daxil olmayıb. Vətəndaşlara tövsiyə edirik ki, bu kimi faktsız iddialara inanmasınlar”.
Qeyd edək ki, son günlər məktəblərdən uşaqların oğurlanması ilə bağlı sosial şəbəkələrdə və vatsap qruplarında səs yazıları yayılır. Bildirilir ki, Bakı və Sumqayıt ərazisində məktəblərdə uşaqların oğurlanmasına cəhd halları baş verir.
Bizim.Media
