Qərb bölgəsində bu gün yağan leysan yağışlar böyük fəsadlar yaradıb.
Bizim.Media-nın yerli bürosunun məlumatına görə, Gəncədə və ətraf rayonlarda, Göygöl, Şəmkir, Daşkəsən, Gədəbəydə yağış suları yollarda sel şəklində axır.
Yollarda avtomobillərin və piyadaların hərəkətində problemlər yaranıb. Göygöldə Topalhəsənli kəndində Gəncəçay çayı məcrasından çıxmaq üzrədir.
Qeyd edək ki, intensiv yağışlar hələ də davam edir.
Məqsəd Rəhimov, Bizim.Media, Qərb bürosu
