Rusiya Federal Korrupsiyaya Qarşı Mübarizə İdarəsinin rəhbəri Vitali Borodin Alla Puqaçovanın SSRİ Xalq Artisti titulunun ləğv edilməsini tələb etmək niyyətində olduğunu açıqlayıb.
Bizim.Media xəbər verir ki, Borodin “News.ru”ya müsahibəsində bu barədə məlumat verib.
"Hazırda məhkəmə prosesi gedir. Onun SSRİ Xalq Artisti titulunun ləğv edilməsini təmin etmək istəyirik. Onun müsahibəsindən dərhal sonra cinayət işi açılmalı idi, çünki səsləndirilən fikirlərdə Rusiya Cinayət Məcəlləsinin bir sıra müddəaları pozulub", - deyə Borodin bildirib.
Xatırladaq ki, Puqaçova sentyabrda Yekaterina Qordeeva ilə videomüsahibəsində Rusiyanın Ukraynaya hücumu və Prezident Putinin əleyhinə fikirlər səsləndirmişdi.
Bizim.Media
