“30 il işğal altında qalan anamın vətəni - Cəbrayıl rayonu, Daşkəsən kəndi. Bakı-Zəngilan dəmiryolu... Oturduğum yer anamgilin dağılmış evinin qapısıdır”.
Bizim.Media xəbər verir ki, bu sözləri Əməkdar incəsənət xadimi Məlahət Abbasova sosial şəbəkə hesabında paylaşdığı postda yazıb.
56 yaşlı sənətçi, illər əvvəl işğaldan azad olunmuş Cəbrayıl rayonuna gedib.
Məlahət “Biz qayıdırıq” telelayihəsinin çəkiliş heyəti ilə birgə oradakı evlərinə yollanıb və xatirələrini bölüşüb.
“Uşaqlıq xəyallarım, arzularımın kəndi. Nağıl dünyamın yıxılmış, dağılmış, viran qalmış bir kəndi ilə qarşılaşdım. Yenə də bu günümüzə şükür. 30 il işğal altında qalan torpaqlarımıza qovuşduq.
Ən böyük arzum idi Cəbrayılı görmək. Mənə bu gözəl günü yaşadan, anamla birlikdə bizi doğma Cəbrayıla qovuşduranlara təşəkkür edirəm”.
Qeyd edək ki, Məlahət Abbasova 1991-ci ildə Türkiyə vətəndaşı ilə ailə qurub. Cütlüyün bu nikahdan Sude adlı qızı və Uğur adlı oğlan övladı var.
Rəşad Əliyev, Bizim.Media
