Tarkan ilk dəfə qızının üzünü göstərdi – FOTO

Ötən həftə "Disney plus"un təqdimat gecəsindən səhnə perfomansı ilə gündəmə gələn Türkiyənin meqastarı Tarkan Tevetoğlu ilk dəfə qızı Liyanın üzünü göstərib.

Bizim.Media xəbər verir ki, dəniz sahilində gəzərkən qızını çiyninə alan sənətçi çəkilən fotosunu sosial şəbəkə hesabında izləyiciləri ilə bölüşüb.

Tarkan atalıq hisslərini bu cür ifadə edib.

"Ən qiymətlim, hər şeyim qızım. Səninlə birlikdə içimdəki uşağı yenidən böyütdüyümü, onu sevməyi yenidən öyrəndiyimi, varlığınla yaralarımın hər gün bir az da sağaldığını, əslində yenidən doğulduğumu bilirsən? Keçmişdə qaranlıqda qeyb olan ruhumun işığını səninlə yenidən gördüm. Atalıq nədir hələ yeni-yeni başa düşür və öyrənirəm. Arada ilişib yıxıldığımı, səhvlər etdiyimi, amma hər nəfəsimdə daha yaxşı ata olmaq üçün çalışıram, səy göstərirəm".

Qeyd edək ki, Tarkan Tevetoğlu Pınar adlı xanımla 2017-ci ildə ailə qurub. Aşiqlərin bir il sonra Liya adlı qızı dünyaya gəlib.

Rəşad Əliyev, Bizim.Media