Yaşar Cəlilovla Vüsalə ayrıldı: "Heç bir il mehriban olmadıq..."

Uzun illərdir birgə çalışan müğənni Yaşar Cəlilov və aparıcı Vüsalə Kərimova yollarını ayırıblar.

Bizim.Media xəbər verir ki, müğənniyə prodüserlik edən V.Kərimova bu barədə "Instagram"da paylaşım edib.

“Həyatda hər şeyin bir sonu varmış. Təəssüf ki, bəzən səbəbsiz olsa da, yollar haçalanmağa məruz qalır. Mən həyatıma seçdiyim insanların dəyərini bilirəm. Yaşar, səninlə uzun bir yol gəldik, birlikdə ağladıq da, güldük də. Acılı-şirinli çox şey yaşadıq. Hər kəsin ürəyindəkini Allah bilir.

Birlikdə keçən 11 ili üst-üstə yığsaq, bəlkə də heç bir ilini mehriban olmadıq. Həmişə dalaşdıq, bir-birimizin sözü boğazımızdan keçmədi! “Dur” deməyin zamanı gəldi. Sən yoluna davam et, yolun açıq olsun. Çalış yaşadığın ömür boyunca kimsənin ruhunu incitmə, sən haqq dünyasını bilənsən. Əsas odur ki, haqq dünyasına sorğu-sualsız gedəsən. Məndən bu qədər”.

Bizim.Media