"Kişi elə gəzməlidir ki, qadın bilməsin"

"Ailəm üçün yaşayıram. Fikirləşmirəm ki, gedim hardasa dincəlim. Düşünürəm, ailəmi aparım, dincələk. Heç kimin ailəsini dağıtmıram, başımı salıb rəqsimlə məşğul oluram".

Bizim.Media xəbər verir ki, bu sözləri rəqqasə Rəna Ağamuradova (Renka) Youtube-da yayımlanan "Podkast kimi adam" layihəsində deyib. Ailəsindən danışan Renka rəqqasəliyin çətinliklərindən və həyatından söz açıb:

"Toylara getmirəm. Əvvəl gedirdim, sonra yox. Bir dəfə bəylə gəlin yalvardı ki, gəlin, biz istəyirik. Getdim , toyun ortasında baba gəlib musiqini söndürdü ki, bu nədir gətirmisiniz? Bir dəfə də getdim, musiqi kəsildi. Deyirəm, nə oldu? Oğlan tərəf musiqini kəsib. Ona görə də getmirəm. Bir dəfə kişi gəlib ilanımı vurdu. Başqası davulçunun davulunu sındırıb. Ona görə də ancaq qadın məclisinə gedirəm".

Xəyanətdən danışan Renka "Rus kişilər bizimkilərdən çox gəzir. Özü də onlar gizlətmir. Bizdə kişilər xəyanəti gizlədir. Kişi elə gəzməlidir ki, qadın bilməsin. Amma başqasını sevirsənsə, gəl de və get. Mən uşaqlarıma daha çox diqqət ayırırdım, ona görə yoldaşım xəyanət etdi. Tələsməyin ailəni dağıtmağa. Ailədən gözəl bir şey yoxdur" sözlərini əlavə edib.

Bizim.Media